NGAITUONA LENGVEL - Rohming Khobung

Rohming Khobung

Ka neka var le thiem lem, tawngbau hausa lem le tawnhriet(experience) hau lem mumbai a ka unau le member pui hai hlakin,’ thaw ta’ng e’, in ti bawk si naw leiin kei, hmel phu loa chut hin mani ngaidan le ngaituona, a mawl ang2in hang thlasik ruonal(rawva?) puokpui nawk pawp2 el ei ti aw..

Ka chinlai (ti ve khanglang inla,)a ruol ‘U’ deu hai khan cowboy film kha an ngaisang a, khang hun laia tlangval hai lai khan lukhumparh kha an lar pha hle bakah tlangval taphawt kha chu zak inkau deu tan,
insukpa ti hriet tak khan an lawn deu hlep2 tawl a, nikum, ka seilenna veng ka hang suok khan chu, Korean hai zarin tlangval hai khawm lu inbuk hlapin, kekawr inzui trata mawng pawng pangin an lawn ve trai2 tawl ta a, keia ang, mawngtam tieng panga BPL(below poverty line) hai ta ding chun Korean ishstyle copy a mawng pawng panga hang lawn ve sprang2 ngaina a um thlawt naw leiin hang luckrak ngaina a um ve naw a, a ruka mi dit lai hai lo star kha ei chantawk chu a ni deu tawp el, sienkhawm, siemtu thatna zar am ka ti ding a themthiem taluo um ngaina hrie lo lem? in ka lu tieng ruok hi chu thup ruol lohin mipui vangtlang chunga leng ti hriet takin malsawmna double in ami vur a, chuleichun hi ka thlunglu hin cowboylukhumparh kha tiet naw deu sienkhawm, tlangval dang, sam inbuk tawk taka hla hai kha kei hla ve reng2 lo pa hin ka lan elpui tawk vel tlat lei hin inzui tut chun ka la lawn ve thei a, ngai tha ve angreng tak chun khawlai chu ka la hang suok ngam ve kha tie haha..Hieng ang hin ka ngaituo a, eini ang mi rethei, nei po2 bakah khawm inzaktheinawna tlawmte belsa a midang ta puk fawma an lifestyle le fashion anga lo um le lo inchei tum tal hai hin, an fashion rihngawt copy lo hin, hienga international stage le market a an hung in vawrdawk nadinga an taimakna, an thawkrimna le a chang lem chun sun le zan khawm hril loa, imu khawm tuo hman lo hiel khawpa an ngaituona le an tha le zung seng hai ang hi hang sutpuiin,hang ngaituo pui inla, ei ngaisang ta ro2 chun hieng po2 khawm hi hang copy sa ve inla chu aw, ei mimal le suongkuo khawsakna chu hrillo, a hnam ang zawng khawmin ei va changkang hrat awm de aw..tiin duthu ka sam a.

Chun hieng ang hi a hung ni a, chuonga zingkar inhma taka churchgate tieng pana train a ka’n tet phei beuh2 lai chun, rel lamsira patling thau tak2 le cher tak2 haiin lungril hmun khat puta an targetsengah kekawr bun loin an lo inthung thu tlar phei diet tawl a(tulai khawvel changkang pei a hin ‘inhnawm’ ti ta loin ‘inthung thu’ an ti ta lem an ti si a..hehe),an kut changtieng chun an khak an dawm far tawl a, voitieng pang chun rem le rem loin an mi la hung bye2 lat2 a, chuonga rem le rem lo a, thei le thei loa innui hieua an mi la hung bye2tawk2 ka hang hmu chun kei misuol hin ‘celeb’ ka lo insawn hman rek vang ani khah.! ‘Huiz.. vaihai mi hlem hrat dan hi chu aw’ ka ti phei vawng2 a. Ka ngaituo a, ‘vai hrim2 chu suol le phakar(chalak), mani thatna ding le hlawkna ding ani phawt chun inzakna le inphalamna nei der lo, mit la meng ran chu hlem thei anni suong phot chu hlem hlum thak khawm pawiti lo mihriem an nih’ ti a ruol u hai min fuina inthanghnana seilenpui, kei mihriem lungmawl ang tading chun vaianni hrim2 chun ka lo hmelma en deu nghal el hlak a. Sienkhawm khawvel invir ruola invir ve pei ta na2 na chu Pathien zarin ei hung phak hla deu2 a, khing ang outlookle ideology indik naw zie khawm ei hung hriet sa pei a, siemtu themthiemna le ropuina in khawvel mihriem chi hrang2 le hnam hrang2 a siem lai hin, ieng hnam khawm hi a hnam hlawm tawp chun an suol, an fel hang ti tawp el thei an lo ni bik chuong naw zie le, hnam pakhata mihriem zie hrang2 um chu, a lo suol bik deu le fel bik ei lo um seng lem anih ti dam,vai anni lei a vai po2 an suol, hmar hai po chu an tha a an fel or lusei hai po2 chun an mi hmusit vawnghang ti thei ka ni naw zie dam ka hrietsa pei bawk a. Vangduoi lei hrim2 a tawksuol le misuol deu bik va tawng pal chu thil um thei chu a ni tak meu el, sienkhawm ,’sawnghai saw an suol, an mi hung tawk ve rihngawt or ka pawi an tawk a bai mi va vuo pui ta,’ei ti ta chen a hin chun a tlangpuia lak chunmidang/hnamdang ei ni leia an mi hnam or hmusit lei ni loin, mani(eini) khawmin ei lo zir naw ve em hlak a anih e’ti hi chu “ Misuol ka nih Lalpa mi ngaidam rawh’ ti tluka chieng alo ni lem hlak. Zam ngailo val hi a chang chun dawizep lei ni loin, hmatieng pei a ka hringnun chang ding ngaituona leiin a chang chun mi thuhnuoia kun a lo ngai hlak alo ni a, mi rama um ka ni tlat leiin vengtienga ka khawsak dan ang2 khan hi vairama hin chu ka khawsak a rem naw a, chu2 ka ta ding chau ni loin, ka hmel ang puttu midang hai le ka chipui hai ta ding chen khawmin damdawi tha tak a lo ni e ti dam chu ka hriet nawn nawk pei a. Mahni’n zir tlat chun khawlai hmuna khawm um la,vai, sap or tuikukkhawm ni hai sien i fel na2 na chu ieng hnam khawm hin an lo hriet ve khawp el bakah tu’n va sukbuoi sukbuoi ngai kher naw ni hai che ti chu i pa nau i ni ti in hriet chieng ang tho khan I hriet ve tho kha, sienkhawm vangduoi lei hrim2 chu a um thei anih. Khawhri tuibur I hmuom zeu a, vai vuok ding I zawng nghal sung khan chu khawlai hmuna khawm vai fel hmu ngai naw ti ni unau..

Chu ka chuongna rel a chun mitdel, hlasak malama kut dawa hung phei pei chu ka lo en ran a, ka kuom a hung thlung chun rem le rem lohin pawisa nawi ka nei remchang ang2 chu phawrin ka pek a, vai hai khawm chun an phal ang tawk peiin an lo pek ve bawk a, a liem hnung chen chun ka en zui vawng2 a,’ tawngthusielo ah ka mit hi indel ta ang sienla, an naw leh hi khawvel a hin ka nu khan mitdel sa in mi lo hring ta ang sien la, kha kutdaw pa ang khan hlasak pumin hmu thei lo khawvel a hin, ka hmu thei ngai lo ding fak zawng nan hlim sarin hla ka sak ve thei dim chu maw?..ti a ngaituo in,ka fel le that lem bik ni thak lo a fu ke kima ka hung pieng el bakah, lungril pangngai putin, mi angin inchukna tieng thiem insang naw lang khawm ruolpawl tawka inchuk ve in, le ka fak khawp midang sukbuoi em2 lo a ka thawksuok thei rihngawt khawm hi, malsawmna a khawm malsawm nawk zuolna a lo ni e,chuleichun, ka va lawm de Lalpa ti a lawmthu hril hi chu ka lo va bat nasa de aw tiin tuta I tiem mek hi ka hung ziek suok ve hram ani e..

(rohming@ymail.com)